Google ADS

Bayerni i gatshëm të paguajë shifrën rekorde për De Ligt

17:17 | 9 Korrik 2022
Fjolla Bajraktari

Pas nënshkrimit të Sadio Mane nga Liverpool, Bayern Munich janë të gatshëm të forcojnë mbrojtjen e tyre me nënshkrimin e mundshëm të Matthijs de Ligt nga Juventus.

Zonja e Vjetër nuk do të lejojë që qendërmbrojtësi holandez të largohet nga klubi për më pak se 70 milionë euro, me klauzolën e blerjes së tij në 120 milionë euro.

Megjithë pagën e tij të lartë, fuqitë evropiane si Manchester City, Chelsea dhe Bayern Munich kanë vënë në pah reprezentuesin holandez.

Sipas informacioneve të La Gazzeta dello Sport, bavarezët thuhet se po përgatisin një ofertë deri në 90 milionë euro për De Ligt.

Bayern Munich do të ofronte një shumë fikse prej 75 milionë euro plus 15 milionë euro të tjera në variabla, duke përmbushur kërkesat e klubit të Serisë A.

Nëse ata kryejnë këtë nënshkrim, lëvizja do të bëhej më e shtrenjta në historinë e Bayern Munich, i cili tani është favorit për të siguruar shërbimet e tij përpara sezonit të ardhshëm. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm